/gummijoh.net/fannar/

Já það er rétt, ég er að fara færa síðuna mína á gummijoh.net. Gummi var svo mikill höfðingi að hann leyfði mér að vista síðuna þar til þess að ég losni við þennan leiðinda poppup glugga sem kemur þegar maður er hjá Tripod.
19:28

/Jesús!!!/

Nú sit ég hér í gríðar spennandi forritunar tíma og er að búa til hinn sívinsæla leik Myllu. Áðan var ég í spænskutíma og lenti í hörku rifrildi við Jesús spænskukennara. Það vildi nú þannig til að hann var að fara yfir einhverja fjandans þýðingu og var að lesa yfir hana í þriðja skipti svona til þess að allir sem lærðu ekki heim hefðu örugglega skilið þýðinguna. Allavegana var mér farið að leiðast all herfilega og byrjaði því að spjalla aðeins við sessunaut minn, hann Stebba ljós. Það fór víst eitthvað fyrir brjóstið á Jesú því að hann sagði að við ættum að þegja og sitja í sitthvoru lagi það sem eftir er af önninni. Því sagði ég honum alveg eins og er að mér dauðleiddist og að það væri búið að taka hann klukkutíma að fara yfir þessa einu æfingu. Þá fór hann að rífa sig og spurði mig hvernig hann ætti að gera þetta þar sem ég væri svo "hugmyndaríkur strákur". Ég gaf honum því mitt álit sem var að það væri nóg að fara yfir þetta einu sinni en ekki þrisvar. Hann var ekki alveg nógu sáttur við það en þar sem tíminn var búinn nennti ég ekki að rífast við hann lengur.
17:01

/Hipp Hopp Halli/

Ég verð að segja það að ég er hjartanlega sammála því sem Valur er að segja um þessar Rapp Stelpur hérna í FB. Þetta er alveg ótrúlega pirrandi að geta ekki komið niður í matsal án þess að þær standi yfir græunum með einhverja helvítis rappdiska og allt í botni dillandi sér í takt við þessa sorglegu tónlist! Það þyrfti einhver að koma með stóran spegil í skólan til þess að sýna þeim í eitt skipti fyrir öll að þær eru EKKI svartar og munu aldrei verða það.
18:19

/Þeir sem mæta á LAN/

Þeir sem spila eru þessir:
1 Gummi Jóh
2 Valur
3 Dóri
4 Ingó
5 Fannar
6 Ívar
7 Hlynur
8 Levy
9 Stebbi Ljós
10 Sverrir
11 Biggi
12 Arnór
13 Kalli
14 Gústi frændi minn
15 Klippari frá PoppTíVí sem Sverrir kemur með!
16 Maggi
17 Guðjón
18 Hjörtur
19 Stóri
20 Ormur
21.Kiddi Jóh. bara á laugardeginum.
13:31

/Survivor/

Ég get ekki sagt að ég sé sammála þeim einstaklingum sem finnast þetta vera góðir þættir. Ég hef gert tvær heiðarlegar tilraunir til þess að horfa á þetta. Fyrst horfði ég á einn þátt í fyrrir seríunni og fannst mér hann mjög svo lame. Fyrir ekki svo löngu síðan settist ég fyrir framan sjónvarpið og vildi þá svo til að það var Survivor þáttur í gangi úr þessari nýju seríu sem ber nafn sem er eitthvað á þessa leið: "Survivor, Somewhere in Fucking Australia" og komst ég að þeirri niðurstöðuð að þetta er allt PLAT. Plat hugsa þá margir með sér? Það eina sem þessir þættir snúast um er eitthvað fokking backstabbing plott. Allir að svíkja alla og sýna svo mjög dramatíska leikhæfileika þegar þau sitja þarna og grenja og segja að þau óttist að þau verði næst í röðinni og segja jafnframt frá því hvern þau muni svíkja næst. Ég held að Survivor sé tekinn upp í risa Studio í Ástralíu og er þetta fólk sem tekur þátt einhverjir oflaunaðir B-myndaleikarar.

SURVIVOR = DRASL


14:18

/Meistarinn/

Auðvitað sigraði Schumacher eins og ég sagði en á meðan varð Hakkinen að sætta sig við það að detta úr keppninni þegar hann þeyttist útaf í beygju á 26. hring. Það sem er hins vegar ekki eins gott er að brautarstarfsmaður lést þegar Villeneuve og Ralf Schumacher lentu í árekstri á fimmta hring keppninnar og setti það óneitanlega drunga yfir keppnina.
18:02

/Breytt síða/

Eins og kannski flestir sjá þá er ég búinn að breyta síðunni aðeins. Ástæðan er sú að ég var með javascript í tenglunum og þá vildi Blogger ekki leyfa mér að breyta template-inu án þess að það kæmi eitthvað javascript error á síðuna. Nú hef ég því fjarlægt javascriptið úr tenglunum og bætt við nokkrum flokkum í þá.
14:34

/Ferrari menn/

Ég get ekki sagt að ég sé annað en sáttur þar sem mínir menn, Michael Schumacher og Rubens Barrichello röðuðu sér í tvö efstu sætin í tímatökunni. Svo ætla ég að sjálfsögðu að fylgjast með því þegar að Schumacher lendir í fyrsta sæti í nótt.
10:38

/"I did not promise him any money. I did not offer him a ring for anything of any kind," /

Já hann er seinheppinn ömurlegi rapparinn Puff Daddy! Puff Daddy á yfir höfði sér allt að 15 ára fangelsi ef hann verður sakfelldur fyrir ólöglegan vopnaburð og valdur af því að hafa sært eitthvað fólk. Þetta átti sér stað þegar að rapprottan var á einhverjum næturklúbb með kærustunni Jennifer Lopez (sem hefur nú losað sig við hann). Allavegana heldur hann því statt og stöðugt fram að hann sé saklaus, en ég persónulega vona að honum verði stungið inn, því þá hættir hann að gefa frá sér þessi ömurlegu lög í allavegana 15 ár eða svo.

Lesið alla fréttina hér.

00:12